BY WEBWORK
"Bro, hindi ka ba nalilibugan sa akin?"
"Gago!!!" sagot ko kay Joey sabay tawa. Pinagmasdan ko ang mokong, nakaharap sa salamin, tinitingnan ang sariling repleksyon at pa posing-posing pa. Shorts lang ang suot nya at tila isang wrestler na inii-stretch ang katawan at braso.
Hmmmnn. Maganda naman talaga ang katawan ng kaibigan kong ito. May ibubuga. Pero kaibigan ko sya, bestfriend, pare, barkada.. Hindi syota. Aminado akong humahanga sa kanyang kakisigan subalit mas nanaig ang respeto ko sa kanya dahil sa kabutihan nya sa akin. Siguro kung sa ibang pagkakataon, kung hindi kami close baka pinatulan ko na sya. Kaya lang.. straight sya e. Ako si Eldon, 24 years old. Isang empleyado dito sa Makati. Kaibigan ko si Joey since college. Magkabarkada kami.
Sa grupo naming anim (apat na lalaki at dalawang babae) ay mas malapit kami ni Joey sa isa't-isa. Marahil ay mas marami kaming bagay na pinagkakasunduan. Kaya naman noong magpasya akong magtrabaho dito sa Makati ay sumama din sya at sabay kaming nag-apply. Natanggap ako bilang marketing assistant at sya naman ay accounting staff sa magkaibang kumpanya. Dalawang taon na kaming magkasama sa inuupahang studio-type dito rin sa Makati.
Maayos ang naging samahan namin ni Joey sa kabila ng pagkakatuklas nya sa aking lihim. Walong buwan na ang nakakalipas ng aksidenteng maiwan ko ang aking "Freshman" magazine sa ibabaw ng aking side table. Pag-uwi ko ng hapon ay nadatnan kong nakaupo si Joey sa kama ko at binubuklat ang mga pahina ng magazine. Magkahalong kaba at takot ang naramdaman ko. Ang aking lihim!!! Napatingin sa direksyon ko si Joey. "Bro, ano 'to? Bakit meron ka nito?" tanong nya sabay pakita sa akin ng magazine. "Ah.eh. hiniram ko lang yan. Hindi sa akin yan." Alinlangang sagot ko. "'Tol, bakla ka ba?" seryosong tanong nya. "Ha?....: hindi ko malaman ang isasagot ko. Gusto kong maiyak sa hiya pero walang luhang pumapatak sa mata ko. Ang alam ko, pulang-pula ang mukha ko sa kahihiyan. "Sabi ko, bakla ka ba?" ulit nya. Hindi sya mukhang galit pero hindi rin naman sya mukhang natutuwa sa natuklasan.
Napayuko ako at marahang tumango... Handa na ako sa isusumbat nya. Kung sasapakin nya ako, aba, sasapakin ko rin sya. Wala akong atraso sa kanya para saktan ako. Ok lang sa akin na ipamukha nya ang paglilihim ko pero kung pisikal na, kaya kong lumaban. Pero ang totoo, malayong magkasakitan kami ng kaibigan kong ito. Nasa 5'7 ang height ko, 5'8" naman si Joey. Magkasing-laki lang ang aming mga katawan. "Oh. bakit nakayuko ka dyan? Nahihiya ka? Uy, ok lang sa akin yon, walang kaso. Hehehe!" "Haaa?!?" ako naman ang nagtaka. Napatingin ako kay Joey. Nakangiti ang kaibigan ko. Nagtatanong ang mga mata ko. "Sabi ko, walang kaso sa akin kung bading ka man. Basta wag mo lang akong re-reypin ha! Hahaha!" todo ang tawa ng loko. Nahimasmasan ako. Napangiti. "Gago! Bakit naman kita re-reypin eh unang-una, hindi kita type!" pambawing sagot ko.
"Ows? Malay ko, baka pinagnanasaan mo rin ako. Hehehe!" pang-iinis pa nya sabay hagod sa kanyang buhok at nagpa-cute. Natawa ako. Aaminin ko na noong unang makilala ko si Joey ay humanga na ako sa kanya. Hindi sya sobrang gwapo at lalong hindi sya panget. May natural syang appeal na talagang magugustuhan ng kahit na sino. Naniningkit ang mga mata niya pag siya'y ngumingiti at lumalabas ang dalawang biloy sa kanyang pisngi kasabay nito. Noong una, iniisip ko sya pag nagsasariling sikap ako pero ng lubos ko na syang nakilala ay parang nahihiya na ako na imadyinin ang hubad nyang katawan habang nagpaparaos. Eventually, nahinto rin ang pagnanasa ko sa kanya at napalitan ng tunay na pagkilala sa isang kaibigan. "Halika nga dito, upo ka dito." Aya ni Joey. Lumapit naman ako at naupo sa tabi nya. "Bakla ka ba talaga?" ulit nya sabay tawa.
"Sira! Pero po, noon ko pa gustong sabihin sayo kaya lang baka magalit ka eh." Sagot ko. "Tol, naiintindihan ko ang sitwasyon mo. Ganyan din yung bunso kong kapatid pero mahal na mahal ko 'yon. Kaya pag may nanukso o nanloko nga sa kanya, gulpi aabutin sa akin." At inakbayan ako ni Joey. "Bro, salamat ha. Hindi ko talaga inaasahan 'to. Pero salamat talaga."
"Wala kang dapat ikabahala. Ikaw kasi, kung saan-saan mo nilalagay 'tong porno mo, ayan tuloy nakita ko. Ang lagkit...dikit-dikit na ang mga page. Yuck!!!" sabay abot sa akin ng magazine. "Hahaha! Luko-luko ka talaga. Akina nga yan." Sabay agaw ng magazine. "Pero alam mo 'tol, hindi talaga ako makapaniwala. Naka tatlong syota ka na a. Di ba?" "Wag ka ng magtanong pwede? Tanggapin mo na lang. Ok?" "Pikon!!! Hahahaha!" At binato ako ng unan ng damuho kong kaibigan sabay pasok sa banyo. Para akong nabunutan ng tinik sa pangyayari. Matagal ko na talagang ibig ilantad kay Joey ang aking pagkatao. Subalit nauunahan lagi ako ng takot at hiya. Ang inaakala kong magiging iba na ng pakikitungo si Joey sa akin simula ng mabunyag ang aking lihim ay hindi nangyari. Nanatili syang mabait at close pa rin kami. Walang nabago. Isang 'thank you' card ang ibinigay ko sa kanya at naglalaman doon ang lahat ng bagay na gusto kong sabihin sa kanya.
"Bro, salamat sa pang-unawa. Hindi mo lang alam kung gaano ako kasaya dahil sa kabila ng lahat, tinanggap mo pa rin ako bilang isang kaibigan. Hindi ko sasayangin ang pakikisamang ipinagkaloob mo sa akin. Tatanawin kong malaking utang na loob ito."
Napakasarap pala sa pakiramdam kapag ang itinuturing mong matalik na kaibigan ay tinaggap ang pagkatao mo ng walang panghuhusga. Naging simula iyon ng pagiging mas transparent ko pa kay Joey. Hindi na ako nag aalinlangang sabihin sa kanya kung may crush ako kay ganito or kay ano. Hindi na rin ako patagong bumibili ng mga magazine o nanonood ng Binibining Pilipinas sa tv at mag-pretend na 'naaakit ako sa kanila'. "'Tol pag may nanloko sa 'yo, sabihin mo lang, ako bahala." paalala sa akin ni Joey. "Wow naman, sweet naman ng bestfriend ko." Sagot ko sa kanya. "Oo naman, pag niloko ka, sumbong mo sa akin... kukurutin ko ang mga malalanding 'yon! Hahaha!" biro nya. "Hahaha! Gago!" sigaw ko kay Joey. "Honestly bro, I will always be here for you. That's how important you are to me." Na-touch naman talaga ako sa sinabi ni Joey. No question about his sincerity because I know this guy for quite sometime. "Thanks bro. thanks." Tanging naisagot ko.
Kahit lumantad na ako kay Joey ay hindi naman ako nagpaka-bading ng tuluyan. Ipinakiusap ko kay Joey na sa amin na lang muna yon at wag sabihin sa barkada. Sumang-ayon naman sya. Maayos ang trato sa akin ng kaibigan ko. Hindi nya ako binabastos o iniinsulto. Of course may mga biruan, pero lahat ng ito ay sa amin lamang at lagi nyang isinasa-alang-alang ang aking damdamin. Noong magkaroon ako ng unang nobyo, si Jerry ay ipinakilala ko ito kay Joey. Nakakatuwa nga dahil daig pa sa kapatid ang pagpapaalala ni Joey. 'Tol, ingatan mo yang bestfriend ko ha. Wag mong lolokohin." Sabi nito kay Jerry. Lihim kong kinurot si Joey sa sinabi pero natuwa ako. Flattered sa turing sa akin ng aking kaibigan. Sabi nga ni Jerry ay swerte ako sa pagkakaroon ko ng kaibigang katulad ni Joey. Kahit kay Ria, na sariling girlfriend ay hindi sinabi ni Joey ang tungkol sa akin. Pinangatawanan nya ang pangakong ililihim ito.
Tinanaw kong malaking utang na loob ito sa aking kaibigan. Eksaktong tatlong buwan kami ni Jerry ng matuklasan ko ang isang bagay. Mayroon syang iba maliban pa sa akin. Napakasakit. Nagmahal ako ng tapat pagkatapos ay sa ganoong paraan pa ako masasaktan. Hindi lamang mga mata ko ang lumuha, pati na rin ang aking puso.
Nadatnan ako ni Joey na umiiyak. Ayoko sanang sabihin sa kanya subalit dahil itinuring ko na syang parang kapatid kaya sinabi ko sa kanya ang buong katotohanan. "Ang gagong yon! Manloloko lang pala, hindi pa namili ng kakatalunin nya!" galit na tinuran ni Joey. "Ok lang bro. Maayos ko rin ang sarili ko. Makakalimutan ko rin sya." "Pero bro, hindi ka nya dapat sinaktan sa ganoong paraan." Sagot nya sa akin. "Hayaan mo na. Bukas, ok na ako." Paliwanag ko sa kanya. Ang katotohanan ay hindi naging maayos ang aking araw kinabukasan pati na ang mga sumunod na araw. Isang linggo, dalawa.. Masakit pa ring isipin na niloko ka ng taong minahal mo. Alam kong hindi ko naikubli kay Joey ang tunay kong nararamdaman. Mabuti na lamang at hindi sya nagtatanong. Mabuti na lamang at naging busy sya nitong mga nakaraang araw. Ipinangako ko sa aking sarili na iyon na ang huling araw ng aking pagluluksa. Dapat akong bumangon at magsimula - tatlong linggo na.
Nahinto ang aking pag-iisip sa mga sunod-sunod na katok sa pintuan. Binuksan ko ito. Si Jerry. "Nandyan ba si Joey?" tanong nya. "Ikaw pala. Wala sya. Bakit?" tanong ko. Nabigla ako sa kanyang pagdalaw. Hindi ko inaasahan. "Yang gagong kaibigan mo, sabihan mong layuan si Dave!!!" galit na sigaw nya sa akin. Nalilito ako. Si Dave? "Sinong Dave? Yung ipinagpalit mo sa akin?" tanong ko. Medyo natigilan sandali si Jerry pero bumalik din ang tapang ng mukha, "Oo, akala ko ba straight 'yang walang hiyang barkada mo? Bakit kinakalantari nya ang syota ko?!?" "Jerry, please wag kang sumigaw. Naguguluhan ako." Hindi ko napansin ang pagdating ni Joey. Nagulat na lamang ako sa sumunod na pangyayari. Sinuntok ni Jerry si Joey. Bumagsak sya sa sahig subalit mabilis ding bumangon at nakaganti ng suntok si Joey. Inawat ko ang dalawa. Nagsimula silang murahin ang isat-isa. Isang malakas na suntok pa ang pinakawalan ni Joey at nagmamadali ng umalis si Jerry.
Todo ang hingal ni Joey, inalalayan ko syang makapasok sa loob. Wala kaming imikan. Pagkaupo nya sa kama ay kumuha ako ng yelo at inilagay sa bimpo. Lumapit ako sa kanya at sinimulang dampian ang kanyang noo na tinamaan ng suntok ni Jerry. "Sinaktan ka ba nya?" Tanong sa akin ni Joey. "Hinde. Bakit Joey? Ano ba talaga ang nangyari." "Bro, iginanti lang kita." "Anong ibig mong sabihin?" nagtatakang tanong ko. "Mahabang kwento." Iwas nya. "Makikinig ako. Gusto kong maliwanagan." Ipinagtapat sa akin ni Joey na may mga bagay syang ginawa na lingid sa aking kaalaman. Nitong mga nakaraang araw na abalang-abala sya ay gumawa pala sya ng paraan upang makilala ang lalaking ipinagpalit sa akin ni Jerry - si Dave. Nagawa nyang makipagkilala dito at mapalapit ang loob. Sa sandaling panahon ay naakit ito ni Joey at napa-ibig hanggang sa hiwalayan na rin nito si Jerry. Napagtagpi-tagpi ko na ang mga pangyayari.
Hindi ako makapaniwalang nagawa ito ni Joey. "Pero bakit bro? Hindi mo na dapat ginawa iyon." "Tama lang yon sa kanila. Manloloko sila kaya karma lang ang inabot nila." "Sira ka talaga. Tingnan mo, nasapak ka tuloy." "Ok lang bro. Pasa lang yan. Lilipas din. At least naipamukha natin sa gagong Jerry na 'yon kung gaano kasakit maloko.
Ngayon, palagay na ko dahil naipaghiganti na kita sa kanila." "Kahit na. E paano kung hindi lang sapak ang inabot mo?" "Ako pa! Hindi mo ba nakita 'yung ginawa ko sa kanya. Takot lang non na banggain ako." Nakangising sagot nya. "Ang yabang mo ha! Kung hindi ko pa nakitang sadsad ka sa hallway kanina. Hahaha!" "Naunahan lang ako no'n. Isang 'right hook' ko lang taob yon." Sabay mwestra na parang boksingero. "Right hook ka dyan!" Sabay bato ko sa kanya ng unan. Hindi nagpatalo ang mokong at binato rin ako ng unan. Noon ko napatunayan kung hanggang saan ako kayang ipaglaban ng aking kaibigan. "Salamat bro." nakangiti kong sabi sa kanya. "Anong salamat? Hoy, tumawag ka na ng Pizza, sagot mo dinner ko! Hahaha!" Pinagmasdan ko si Joey. Ang swerte ko sa kaibigan kong ito.
"Uy, bakit mo ko tinitingnan ng ganyan? Type mo 'ko no?"
ITUTULOY…
If you wish to share your own pinoy gay stories, you may send them at gaypinoystories@gmail.com.
We also value your privacy, if no author's or pen name provided, we will simply use "Anonymous" as the sender.
Thank you very much and we are looking forward to all your Pinoy M2M stories and other kwentong malilibog stories to share in our pinoy gay blog.
Post a Comment